Foto: Reuters / STEPHANE MAHE

U okviru četvrtog kola Lige šampiona, u grupi “E” na “Rut de Lorjen” stadionu, sastali su se Ren i Čelsi. Iako su unaprijed proglašeni favoritima, dobro su se igrači londonskog kluba napatili da u Francuskoj dođu do bodova, ali su na kraju slavili rezultatom 2:1. 

Nisu se igrači ni pošteno zagrijali, a samo par minuta poslije prvog sudijskog zvižduka sjajnu priliku je propustio Timo Verner. Njemački golgeter je sa par metara promašio zicer i poslao loptu daleko iznad gola Alfreda Gomis. Verner je primio odličan ubačaj sa strane i potpuno neometan je promašio skoro pa sigurnu prednost svog tima.

Mejson Maunt je oduzeo loptu na svojoj polovini, te u 23. minutu poslao fenomenalan pas za Tamija Abrahama koji je izašao sam pred domaćeg golmana. Golgeter “Plavih” ne promašuje takve prilike i Čelsi je poveo sa 1:0 u Francuskoj. Pokušao je Gomis da skrati ugao svog gola, ali nije bilo spasa protiv sjajnog napadača gostiju.


Maunt je skoro postigao pogodak u 30. minutu. Loše je šutirao iz blizine, ravno u golmana ekipe Rena koji je sjajnim refleksima zaustavio taj udarac. Do kraja prvog poluvremena priliku je imao i igrač domaćih Bendžamin Burižo, čiji je izgledan slobodni udarac, živi zid gostiju skrenuo u korner. Poslije prvih 45 minuta, bilo je 1:0 za Čelsi.


Drugo poluvrijeme domaći su napadali, ali jalovo, iako je Čelsi prepustio loptu Renu, “Crveno-crni” nisu pronašli put do mreže “Plavih“. Seru Geraso je primio odličnu loptu u73. minutu u kaznenom prostoru londonskog kluba i uputio udarac prema lijevoj stativi. Eduard Mendi je predvidio njegovu namjeru i sa dobrom odbranom spriječio njegov pokušaj.

Samo dvije minute kasnije Žerzinjo Namsi je upropastio sjajnu šansu za Ren nakon kornera. Dobro je pratio centaršut i skočio više od svih na loptu, ali je udario po sredini gola, ravno u ruke golmana. Konačno je domaća ekipa uspjela da iskoristi terensku inicijativu u drugom dijelu. Odlično je Geraso skočio na loptu iz kornera i postigao gol za izjednačenje, 1:1.


Da kraja je Čelsi napadao u pokušaju da dođe do cijelog plijena, i to je uspio “Zlatni džoker“, Olivije Žiru u 91. minutu. Sjajno je skočio francuski napadač pogodio za prednost i konačan rezultat od 2:1, te obezbjedio mjesto londonskom klubu u narednoj fazi takmičenja. U idućem kolu Ren igra protiv Krasnodara u Rusiji i imaće priliku da osvoji nove bodove, dok Čelsi ide na gostovanje ekipi Sevilje.

Standings provided by SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime