lenard
Foto: USA Today Sports/Reuters

Los Anđeles Klipersi su pobijedili na svom parketu u sedmom meču četvrtfinala Zapadne konferencije Dalas Maverikse rezultatom 126:111.

Nevjerovatnu prvu četvrtinu je odigrao Luka Dončić u kojoj je postigao rekordnih 19 poena. Nije ipak Kavaj Lenard dozvoljavao Maveriksima da se odlijepe, pa je monstruoznim zakucavanjem u posljednjem napadu prve dionice postavio rezultat 38:35 nakon 12 minuta košarke.

U drugoj četvtini Dončiću se priključio Kristaps Porzingis i pomogao svojim poenima, ali pošto je čitav meč obilovao preokretima, jedan su izrežirali košarkaši Klipersa i na poluvremenu imali +8 (70:62).

Nije dugo trebalo Maveriksima u drugom poluvremenu da prednost vrate na svoju stranu. Odličnu rolu na obje strane u tim trenucima je imao Boban Marjanović, ali je Lenard održavao domaće. Stao je u potpunosti tada šut Dončića, dok se na drugoj strani dodavao Pol Džordž i Klipersi su serijom 12:0 krajem treće četvrtine napravili veliku prednost i u odlučujući ušli sa vođstvom 100:85.

Početkom četvrte četvrtine Klipersi su otišli na najvećih +19 (106:87) i Lenard je bio noćna mora za franšizu iz Dalasa. Šest minuta prije kraja Klipersi su se “ponudili” Maveriksima, ali su oni, uz dva vezana promašaja Dorijana Fini-Smita ispustili priliku da se vrate u meč, te na kraju poraženi rezultatom 126:111.

Kavaj Lenard je na ovom meču popunjavao sve statističke kolone i imao učinak od 28 poena, deset skokova, devet asistencija, četiri ukradene lopte i jednu blokadu. 23 poena je ubacio Monte Moris, a jedan manje Pol Džordž. Na drugoj strani odličan meč je odigrao Luka Dončić i na kraju završio sa 46 poena i 14 asistencija.

Klipersi će u polufinalu Zapadne konferencije igrati protiv Juta Džezera.

OSTAVITI ODGOVOR

Molimo unesite komentar!
Ovdje unesite svoje ime