Foto: Gettyimages

Košarkaš Denver Nagetsa, Nikola Jokić istakao je nakon pobjede nad Los Anđeles Lejkersima od 114:106, da mu je drago što je Džamal Marej njegov saigrač i da su oni trebali voditi sa 2-1 u seriji.

Jokić je u ovom meču imao 22 poena i deset skokova, a najviše raspoložen u redovima Nagetsa bio je Marej sa 28 poena i 12 asistencija.

Džamal je na kraju utakmice pogodio neke zaista velike šuteve i zato smo pobijedili. Vjerujem u njega. Može da pogodi teške šuteve. Vjerujem da je on super zvijezda i veoma važan dio tima. Danas nas je nosio. Drago mi je što je on moj saigrač” – rekao je Jokić.

On smatra da je rezultat u seriji trebao biti 2-1 u njihovu korist, ali je Entoni Dejvis presudio u drugom meču trojkom u posljednjoj sekundi.

“Imali smo utakmicu broj dva, mislim da smo igrali sjajno. Osjećam da bismo trebali da vodimo sa 2-1 u ovom trenutku. Najvažnija stvar je povratak pravog mentaliteta. Takve utakmice bole, ali je osjećaj još bolji kada se vratite” – dodao je Jokić.

Četvrti meč serije na programu je u noći između četvrtka i petka u tri časa ujutru.

OSTAVITI ODGOVOR

Molimo unesite komentar!
Ovdje unesite svoje ime