Kraljeva dominacija, 1,000. meč sa dvocifrenim brojem poena u NBA ligi

Los Anđeles Lejkersi su sinoć u gostima savladali San Antonio Sparse rezultatom 121:107. 

Ovom pobjedom svoj 36. rođendan proslavio je Lebron Džejms, a ovo je bio 1,000. meč zaredom u kojem je “Kralj” postigao dvocifren broj poena, ukupno 26 protiv Sparsa.

Samo izađem na teren i trudim se da budem najbolji što mogu. Ako sam u dresu, uradiću sve što je do mene da moj tim pobjedi. Da li je to postizanje koševa, skokovi, odbrana ili asistencije? Želim da budem na raspolaganju svojim saigračima tokom cijelog meča. Imao sam dovoljno sreće da to radim tokom moje cijele karijere. Vjerujem da sam jedan od onih koji su izabrani da naprave razliku i u košarci, i van terena. Želim da iskoristim to” – izjavio je Džejms nakon utakmice. 

Lebron Džejms je protiv San Antonio Sparsa pored 26 poena, postigao još pet skokova i osam asistencija.

Ponovo će se ekipa iz Kalifornije sastati sa franšizom iz Teksasa u narednom kolu NBA lige, u subotu 2. januara 2021. godine.

Postavi odgovor