Napoli gazi sve redom, Liverpul savladao bezidejni Ajaks i poslao ga u Ligu Evrope

U grupi A Lige šampiona sve je jasno.

Napoli i Liverpul su ostvarili plasman u osminu finala Lige šampiona, dok je Ajaks trećeplasiran i samo uz neko veće iznenađenje, na njegovo mjesto će Rendžers.

Sve šanse za drugim mjestom Ajaks je izgubio porazom od Liverpula na svom terenu rezultatom 3:0. Tim iz Amsterdama ponovo je razočarao svoje navijače, ne samo rezultatom, već igrom koja je u odnosu na prethodne sezone, bezidejna i flegmatična. 

Mrežu Ajaksa načeo je Mohamed Salah u 43. minuti, a drugi gol došao je na samom početku drugog poluvremena. Darvin Nunjez je pogodio u 49., a samo nekoliko trenutaka kasnije i Harvi Eliot za konačnih 3:0.

Napoli je nastavio sa dobrim igrama i pobjedama, ovaj put na svom terenu protiv Rendžersa.

Riješili su Italijani sve u prvom poluvremenu, a zatim u nastavku mirno zaigrali i sačuvali stečenu prednost. Đovani Simeone je u 11. i 16. minuti postigao dva gola i nastavio nepobjedivu seriju Napolija. Konačnih 3:0 postavio je u 80. minuti Leo Estigard.

Samo debakl na Enfildu spriječiće Napoli da ne bude prvi u grupi u posljednjem kolu, dok će Ajaks remijem biti siguran na trećem mjestu. Drugo je rezervisano za Liverpul.

Standings provided by Sofascore

Postavi odgovor