Orlando na krilima Vučevića šokirao Milvoki

GettyImages 501373036 741x486 1
Foto: GettyImages

Orlando Medžik je na krilima Nikole Vučevića iznenadio Milvoki Bakse i poveo sa 1-0 u seriji. Rezultat je bio 122:110.

Ekipa iz Orlanda je povela 12:10 početkom prve četvrtine i do samog kraja meča nisu ispuštali stečenu prednost. Sredinom druge četvrtine, izabranici Stiva Kliforda su imali maksimalnih +18 (51:33) i već tada je bilo jasno da Baksima predstoji težak zadatak da se vrate u ovaj duel. Ipak, sjajnom igrom u finišu prvog poluvremena i dobrim početkom treće četvrtine, Baksi su prišli na samo -1 (69:68), ali uslijedila je serija Medžika 14:4 i tako je odbijen napad najbolje ekipe “Istočne konferencije” iz regularnog dijela sezone.

Do kraja utakmice, Baksi su jedino zaprijetili kada su prišli na 99:93, ali novom serijom od 7:0 za 106:93, otklonjena je svaka dilema oko pobjednika prvog meča ove serije.

Najbolji pojedinac pobjedničkog tima je bio crnogorski centar Nikola Vučević koji je upisao 35 poena i 13 skokova, dok je u poraženim timu najefikasniji bio Janis Adetokunbo koji je ostvario novi dabl-dabl (31 poen i 17 skokova).

Drugi meč ove serije igraće se u noći između četvrtka i petka.

2 Komentara

    Odlična partija Crnogorskog asa, pogađao je sve živo ovo je definitivno njegova vece bila.

    Odgovori

    Iznenadjenje na startu ali prva je tek utakmica ima još vremena. Odlična partija Vučevića.

    Odgovori

Postavi odgovor