Foto: Peter Nicholls/Reuters photo

Maurisijo Poketino, novi trener Pari Sen Žermena, danas je održao prvu zvaničnu pres konferenciju od dolaska u novi klub.

Neka od novinarskih pitanja su bila usmjerena ka potencijalnim novim igračima Parižana, a najviše su se spominjali Lionel Mesi i Dele Ali.

“Već sam dobio poklon od Djeda Mraza. Bio mi je san vratiti se u klub u kome sam igrao prije 20 godina. Tek smo stigli, tako da je još rano govoriti o novim igračima, ali svaki veliki fudbaler je ovdje dobrodošao. Pratimo mnoge igrače, a pokušaćemo donijeti najbolju moguću odluku za sve “ – rekao je Poketino.

Klub iz glavnog grada Francuske se trenutno nalazi na trećem mjestu Lige 1 sa 35 bodova iz 17 utakmica, a protivnik u eliminacionoj fazi Lige šampiona im je Barselona. Argentinski stručnjak je u dosadašnjoj karijeri najdublji trag ostavio u Totenhemu, a pored “Pijevaca” je vodio Espanjol i Sautempton.

OSTAVITI ODGOVOR

Molimo unesite komentar!
Ovdje unesite svoje ime