Foto: Printscreen

Fudbaler Velsa Geret Bejl izjavio je za “Sky Sport” da se nešto pod hitno mora uraditi kako bi se spriječilo vrijeđanje sportista na rasnoj osnovi na društvenim mrežama. 

Nakon što su njegovi saigrači iz reprezentacije Ben Kabango i Rabi Matonado dobili rasističke poruke na društvenim mrežama, Bejl je reagovao i pozvao da svi naprave potez kao Tjeri Anri. Čuveni francuski fudbaler je nedavno napustio društvene mreže zbog rasizma, a Velšanin sada poziva sve da se ujedine po pitanju toga.

Mislim da ako se svi ujedinimo u odluci da bojkotujemo društvene mreže i da na taj način pokažemo stav, nešto bi se promijenilo. Ako bismo to svi uradili istovremeno, da to ne bude samo nekoliko ljudi, i ako uspijemo da uključimo mnogo uticajnih ljudi iz svijeta sporta i drugih sfera života u tu kampanju, onda mislim da bi to moglo da pomogne. Ako bi bilo tako ja bih se pridružio akciji“ – naveo je Bejl. 

On je istakao da je i sam veoma često primao poruke gdje ga vrijeđaju i da se nada da će uskoro sve to stati.

OSTAVITI ODGOVOR

Molimo unesite komentar!
Ovdje unesite svoje ime