Evropska fudbalska asocijacija (UEFA) danas je donijela odluku o promijeni sistema takmičenja u Ligi šampina od sezone 2024/2025.
Od sezone 2024/2025 Liga šampiona će izgledati drugačije, prije svega u tome što će umjesto 32 tima sada učestvovati 36 ekipa. Jedno mjesto više će dobiti peta država po plasmanu, jedno više mjesto će biti dobiti učesnici kvalifikacija, a dva mjesta tako će dobiti ne klubovi, nego lige, opet na osnovu koeficijenata, ali ne petogodišnjih, već samo bodova osvojenih u protekloj sezoni.
Da je takvo pravilo sada na snazi u Ligu šampiona bi preko reda išli Totenhem (kao peti u Premijer ligi) i PSV (kao drugi u Erediviziji), jer niko u ovoj sezoni nije osvojio više bodova od klubova iz Engleske i Holandije.
Igraće se po švajcarskom modelu gdje će svi biti rangirani na jednoj tabeli, igra se osam kola, po četiri meča kod kuće i na strani. Nema grupa, uvijek različiti protivnici, neće svi igrati sa istim rivalima. Međutim, svakako će klubovi biti podjeljeni po šeširima kako bi imali protivnike otprilike ujednačenog kvaliteta
Prvih osam timova ide direktno u osminu finala, a timovi rangirani od devete do 24. pozicije će u dvomeču baraža odlučivati ko će biti preostalih osam učesnika osmine finala.
