Holandija - Ukrajina 3:2 (KRAJ)

Holandija i Ukrajina večeras od 21:00h igraju svoj prvi meč grupe C Evropskog prvenstva na “Johan Krojf areni” u Amsterdamu.

Mnogo kritika je bilo upućeno na račun Franka de Bura pred ovo Evropsko prvenstvo, a prva utakmica u Amsterdamu je idealna prilika da razuvjeri sve neisto

mišljenike. S druge strane, Ukrajina je jedna od reprezentacija koja je predstavljena kao potencijalno iznenađenje na prvenstvu, a sa klupe ih predvodi legendarni Andrej Ševčenko.

UŽIVO:

90′ Kraj utakmice.

90′ Pet minuta nadoknade i nade za Ukrajinu.

85′ 3:2 vodi Holandija. Kakva utakmica u Amsterdamu. Nejtan Ake je uputio hirurški precizan centaršut, a Damfris se iskupio za promašaje iz prvog poluvremena i donio novo vođstvo Holandiji.

82′ Manje od deset minuta nade za Holandiju da može do tri boda.

79′ GOOOL! Jaremčuk donosi izjednačenje. Zinčenko je izborio slobodan udarac na 30 metara od gola Holandije, Malinovski je centrirao, a Jaremčuk glavom matirao golmana Ukrajine.

75′ GOOOL! Jarmolenko vraća nadu Ukrajini. Namjestio se Jarmolenko na jaču lijevu nogu i pogodio gornji desni ugao Stekelenburga, koji je paradom samo uljepšao ovu golčinu.

72′ Završio je akciju Jaremčuk udarcem sa distance, ali je siguran bio Stekelenburg.

68′ Pokušava Ukrajina izvršiti pritisak nad Holandijom, no ne ide im to baš najbolje. Po trenutom stanju na terenu, djeluje da Holandija dolazi do tri rutinska boda.

60′ Gol je priznat, Holandija definitivno vodi 2:0.

59′ GOOOL! 2:0 vodi Holandija golom Veghorsta. Traže Ukrajinci prekršaj u napadu Damfrisa, no čekaće se VAR. U međuvremenu, Veghorts je dočekao odbijanac i poslao loptu u mrežu.

57′ Oleksandr Zinčenko je ubacio loptu u kazneni prostor, no otklonila je opasnost odbrana Holandije.

52′ GOOOL! 1:0 vodi Holandija, strijelac je Vajnaldum. Intervenisao je Bušcan ispred Depajam odbio loptu do Vajnalduma koji je ovaj put iskoristio dobru poziciju i konačno matirao sjajnoj golmana Ukrajine.

50′ Napadala je Holandija od početka drugog poluvremena, a nakon pet minuta imali su potencijalno dobru šansu. Damfris je vratio loptu glavom u pet metara, no Bušcan još jednom na visini zadatka.

46′ Počelo je drugo poluvrijeme. 

45′ Kraj prvog poluvremena.

45′ Egzibicije Jarmolenka na “Johan Krojf areni“, ali kada je najbitnije Stekelenburg izlazi kao pobjednik.

43′ Pritisak Holandije u ovim trenucima, Ukrajina pokušava sačuvati svoj gol do poluvremena.

40′ Pronašao je Depaj samog Damfrisa na drugoj stativi, a još jednu veliku šansu nisu iskoristili Holanđani. Neometan je bio Damfris, no nije dobro šutirao.

39′ Nestvarna odbrana Bušcana. Kakav volej je uhvatio Vajnaldum sa 16 metara, a golman Ukrajine nevjerovatnim refleksom sačuvao svoj gol.

36′ Nije najbolja pozicija bila za udarac Patrika van Anholta, no ipak je pokušao fudbaler Mančester junajteda i izblokiran je.

30′ Dobar dribling Jarmolenka i kasnije udarac, no pravo u ruke Stekelenburga.

28′ Pao je Jarmolenku u kaznenom prostoru Holandije, ali je Feliks Brih pokazao da se igra nastavi i djeluje da je bio u pravu.

27′ Sjajna intervencija Bušcana. Ovaj put je u posljednjem trenutku uhvatio loptu ispred Merhosta Damfrista i tako spasio siguran pogodak Ukrajine.

22′ Propala je potencijalno dobra prilika za Ukrajinu, jer se Jarmolenko spetljao u kontranapadu, pa su Ukrajinci izgubili loptu. U nastavku nova šansa za Ukrajinu, ali je Bušcan intervenisao ispred Vajnalduma.

20′ Igra se atomski fudbal do sada u Amsterdamu, s tim što u posljednjih pet minuta nije bilo izrazitih prilika.

16′ Roman Jaremčuk je šutirao sa ivice kaznenog prostora, ali nije to učinio baš najbolje, pa je to bio lak plijen za Martina Stekelenburga.

9′ Sa distance je šutirao Ruslan Malinovski, no izblokiran je njegov pokušaj.

7′ Nova šansa na utakmici. Povratnu loptu je odigrao Damfris do Đordija Vajnalduma, ali je novi fudbaler Pari Sen Žermena loptu poslao preko gola.

5′ Ogromna šansa za Holandiju i nova odlična odbrana Bušcana. Denzel Damfris je primio loptu sam ispred golmana Ukrajine, no nije ga uspio prevariti.

4′ Andrej Jarmolenko je prošao po lijevoj strani i ubacio oštru loptu u peterac, ali od svega samo korner za Ukrajinu. Odličan početak meča. Nakon toga, Jarmolenko je skočio najviše nakon centaršuta, međutim neprecizno je šutirao.

2′ Kakav početak utakmice! Imala je Ukrajina priliku ispred gola Holandije, ali su izgubili loptu i domaći su krenuli u brz kontranapad. Memfis Depaj je prošao kroz odbranu Ukrajinaca i šutirao, no je Giorgi Bušcan uspio odbraniti njegov udarac.

1′ Počeo je susret u Amsterdamu.

SASTAVI:

HolandijaStekelenburg – Van Anholt, Blind, De Fraj, Timber, Damfris – De Jong, Vajnaldum, De Ron – Depaj, Veghorst.

UkrajinaBušcan – Mikolenko, Matvijenko, Zabarnji, Karavaev – Zinčenko, Zubkov, Malinovski, Sidorčuk, Jarmolenko – Jaremčuk.

Postavi odgovor