Hrvatska i Holandija bez glavnih defanzivaca

Hrvatska za dva dana nastupa protiv Holandije u Roterdamu u polufinalu Lige nacija.

Zlatko Dalić ovaj put ima neke probleme u kadru. Zbog problema nakon treninga u Rijeci nema Marka Livaje, a zbog povrede trbušnog zida otpao je i Joško Gvardiol, ključni kotačić obrane Vatrenih.

Selektor Dalić je zato u reprezentaciju pozvao Diona Drenu Belju koji će popuniti rupu u napadu, a onu u obrani zakrpaće ostali pozvani stoperi poput Josipa Šutala, Martina Erlića i Domagoja Vide. Holanđanise, s druge strane, takođe pripremaju za ono što ih čeka, a njihov selektor Ronald Kuman takođe je morao raditi neke prepravke.

Još od ranije ne može računati na Memfisa Depaja, a danas je stigla vijest iz narančastog tabora o povredi Matijasa de Lihta. Bajernov defanzivac otpao je zbog problema s listom koji je zadobio na treningu, a umjesto njega pozvan je iskusni Dejli Blind koji je protekle mjesece takođe proveo u Bavarskoj, ali je grijao klupu, odnosno tribinu.

Koliko god De Liht bio kvalitetan igrač, Kuman može mirno spavati jer na stoperskoj poziciji može računati na Virdžila Van Dajka i Nejtana Akea — doduše, pitanje je koliko će on biti spreman nakon odigranog finala Lige šampiona i proslave koja slijedi — a tu je i iznimno kvalitetni Sven Botman. Jurien Timber takođe može popuniti to mjesto.

Postavi odgovor