Ibrahimović uskače u pomoć: Vraća se u reprezentaciju pred baraž za Katar

Fudbaler Milana Zlatan Ibrahimović pozvan je na reprezentaciju Švedske pred utakmice protiv Češke u polufinalu baraža za odlazak na Svjetsko prvenstvo.

To je potvrdio selektor Švedske Jane Anderson, a prenijeli su italijanski mediji.

”Mislim da ne može da igra cijelu utakmicu, ali želi da bude dio ekipe i može da nam pomogne svojim kvalitetom i vođstvom” – rekao je Anderson.

Švedska će 24. marta u Solni igrati protiv Češke u polufinalu baraža za Svjetsko prvenstvo, a pobjednik tog duela igraće u finalu protiv Poljske 29. marta. Poljska je prošla u finale poslije izbacivanja Rusije iz takmičenja zbog rata u Ukrajini.

Ibrahimović se nedavno vratio u ekipu Milana poslije problema sa Ahilovom tetivom. On će u oktobru napuniti 40 godina, a do sada je odigrao 120 utakmica za Švedsku i postigao 62 gola.

Postavi odgovor