Dva gola Mbapea i atraktivna panenka Ikardija presudili Mecu (VIDEO)

U okviru 34. kola Lige 1, Pari Sen Žermen je kao gost pobijedio Mec sa 3:1.

Ekipa iz glavnog grada Francuske je tokom većine meča imala terensku inicijativu propraćenu većim posjedom lopte, a do prvog slavlja su stigli već u četvrtom minutu.

Tada je Ander Erera sa svoje polovine sjajno poslao loptu prema naprijed, a Kilijan Mbape ju je primio i pohitao ka protivničkom šesnaestercu, odakle je preciznim udarcem pogodio za 1:0.


U 16. minutu, Nejmar je dobro šutirao iz slobodnog udarca, ali bio je za nijansu neprecizan i rezultat je ostao nepromijenjen.

Ovo je bila i posljednja ozbiljnija prilika u prvom poluvremenu, pa se na veliki odmor otišlo sa 1:0.

Domaćini su odlično otvorili drugo poluvrijeme.

Već u 46. minutu, Fabijen Sentonze je nakon centaršuta Farida Bulaje sjajno reagovao glavom i zatresao protivničku mrežu, tako izjednačivši na 1:1.


Ipak, individualni kvalitet “Svetaca” je došao do izražaja. 

U 57. minutu, Leandro Paredes je dobro šutirao poslije kornera, ali Aleksandre Oukiđa je to dobro odbranio.

Samo 120 sekundi kasnije, golman Meca je poništio ovu dobru reakciju. Loše je reagovao pri šutu Mbapea i Pari Sen Žermen je stigao do 2:1.


Konačan rezultat, 3:1, postavio je Mauro Ikardi u 89. minutu iz jednaesterca. Argentinski napadač je atraktivnom panenkom nadmudrio protivničkog čuvara mreže i donio novu radost Parižanima.


U drugoj utakmici odigranoj danas, Brest je kao gost savladao Sent Etjen sa 2:1.

Domaćini su došli u vođstvo u 11. minutu preko Vabija Kazrija i sa 1:0 se ušlo u drugo poluvrijeme.

Ono je pripalo Brestu, Gaetan Šarbonije je u 66. minutu izjednačio na 1:1, a 13 minuta kasnije i postavio konačan ishod, 2:1.

Standings provided by SofaScore LiveScore

Postavi odgovor