Foto: GettyImages

Dominik Kalvert-Luin, zbog povrede koljena, neće nastupiti u večerašnjem susretu protiv Mančester sitija.

Trener Evertona Karlo Anćeloti potvrdio je, kako prenosi “Football fancast”, da Dominik Kalvert-Luin neće biti u kombinaciji za utakmicu protiv prvoplasirane ekipe engleske Premijer lige. Tako će klub iz Liverpula na teren istrčati bez svog najboljeg strijelca, koji je ove sezone u 20 nastupa za svoj klub postigao 13 golova, te se nalazi na diobi drugog mjesta na listi strijelaca jedne od najboljih svjetskih liga.

Napadač je već propustio meč s Fulamom proteklog vikenda, ali ohrabrujuća vijest za “Karamele” je dijagnosticiranje nižeg stepena povrede od strane medicinske službe kluba, kao i mogućnost da igrač koji je u odličnoj formi ove sezone konkuriše za prvi sastav već narednog vikenda, kada će njegova ekipa gostovati na “Enfild roudu” u gradskom derbiju.

OSTAVITI ODGOVOR

Molimo unesite komentar!
Ovdje unesite svoje ime