Foto: Reuters / XXSTRINGERXX XXXXX

Čelsi je u okviru 24. kola Premijer lige na “Stamford Bridžu” savladao Njukasl rezultatom 2:0.

Nagovjestili su “Plavci” da će od prvog minuta krenuti po gol kada je na samom startu šutirao Markus Alonso, ali je tada Karl Darlov bio uspješniji od njega. Zaustavio je golman gostiju još nekoliko pokušaja Čelsija, prije svega Mejsona Maunta u 26. minuti.

Čelsi je do prednosti stigao u 31. minuti. Nakon gužve u kaznenom prostoru Njukasla lopta se odbila do Olivijea Žirua kojem nije bilo teško da loptu pošalje u praznu mrežu.

Sedam minuta kasnije  i na semaforu je već pisalo 2:0. Izveli su korner domaći i ponovo nakon gužve odbrana Njukasla je trapavo reagovala, lopta je stigla do Tima Vernera koji ju je sa druge stative proslijedio u gol za sigurnu prednost od 2:0 nakon prvih 45 minuta.


Ni u drugom poluvremenu Čelsi ništa nije prepuštao slučaju i nastavio sa ofanzivnom igrom. Prvu šansu je imao Mateo Kovačić u 59. minuti, ali udarac hrvatskog reprezentativca je otišao za malo iznad prečke.

Imali su i gosti svojih prilika, pogotovo Džozep Vilok i Migel Almiron, no jednom je intervenisao Kepa Arizabalaga, a jednom je fudbaler “Njuke” bio neprecizan.

Čelsi je do kraja sačuvao ovaj rezultat i “popeo” se na četvrtu poziciju i u sljedećem kolu će igrati protiv Sautemptona, dok će Njukasl gostovati Mančester junajtedu.

Standings provided by SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime