Foto: GettyImages

Mančester junajted platio je Sportingu iz Lisabona dodatnih 4,5 miliona funti za Bruna Fernandeša nakon njihove dramatične pobjede od 3:2 na Brajtonom. On je odigrao 25 takmičarskih utakmica za “Crvene đavole” i time aktivirao dodatnu klauzulu u ugovoru.

26-godišnjak je stigao u januaru sa početnim ugovorom od 45 miliona funti, koji bi mogao rasti na 66,7 miliona funti ako se ispune sve klauzule unutar istoga. Junajted je Sportingu platio dodatnih 2,74 miliona funti nakon uspješne kvalifikacije u Ligu šampiona posljednjeg takmičarskog dana prošle sezone.

Fernandeš je napravio značajnu razliku otkako je u stigao na “Old Traford” postigavši 13 golova u 25 nastupa za ekipu Ole Gunara Solskjera, a bio je ključan igrač u važnijim utakmicama za velikana iz Mančestera. To je bilo jasno i u napetoj pobjedi nad Brajtonom, koji je vidio kako se Junajted vraća u igru iz rezultatskog zaostatka i odnosi sva tri boda.

OSTAVITI ODGOVOR

Molimo unesite komentar!
Ovdje unesite svoje ime