Foto: GettyImages

PSŽ i Rems zatvorili su 5. kolo francuske Lige 1. Mauro Ikardi je sa dva pogotka u mreži domaćina pomogao svom timu da dođe do 7. pozicije na tabeli u pobjedi od 2:0. 

Od prvog zvižduka, znao je PSŽ da mora uzeti sva tri boda ako žele ostati konkurentni za vrh nacionalne lige. Već u 9. minuti Kilijan Mbape šalje precizan pas sa strane, a Mauro Ikardi dolazi na pravo mjesto i odličnim udarcem matira golmana, dok lopta ide u donji lijevi ugao gola domaćeg tima. 1:0 za goste bio je rezultat koji se zadržao do kraja prvog poluvremena.

U istom ritmu su igrači Tomasa Tuhela nastavili i drugi dio utakmice. Nejmar, Mbape i Ikardi su nastavili napadati, ali Rems se nije predavao tako lako. U 63. minuti opet se odlično Mbape probija i servira loptu kao na tacni za Ikardija koji takve prilike ne propušta i postiže drugi pogodak za goste iz Pariza. Ispostavilo se da je to i konačan rezultat meča.

Monako je na svom terenu savladao Strazbur uz pomoć raspoloženog Visama Ben Jedera koji je postigao dva pogotka. Anže je takođe sa tri gola u mreži pobijedio Brest kojem je ovo bio drugi uzastopni poraz. Ren je prvi na tabeli sa 13 bodova poslije pet utakmica, a slijede ga Lil i Monpelje sa 11 odnosno 12 bodova. 

Svi rezultati petog kola Lige 1:

Lil – Nant 2:0
Sent Etjen – Ren 0:3
Marselj – Mec 1:1
Bordo – Nica 0:0
Anže – Brest 3:2
Dižon – Monpelje 2:2
Monako – Strazbur 3:2
Nim – Lens 1:1
Lorien – Lion 1:1
Rems – PSŽ 0:2

Tablice omogućuje SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime