Printscreen

Fudbaleri Njukasla pobijedili su večeras u gostima Kristal Palas rezultatom 2:0 u 10. kolu engleske Premijer lige.

Prvo poluvrijeme je završeno rezultatom 0:0, a Kristal Palas je bio bliži golu. Ekipa Roja Hodžsona bila je opasnija i imala više loptu u svojim nogama, ali to nisu unovčili nakon 45 minuta. Džefri Šlup je imao priliku u 30. minutu meča kada je zaprijetio, ali Karl Darlou je upisao dobru odbranu.

Kristijan Benteke je za Palas imao šansu u 80. minuti, ali Darlou se ponovo istakao sjajnom intervencijom. Kada su svi mislili da će meč završiti bez golova, na scenu stupa tandem Kalum Vilson-Žoelton.

U 88. minutu 1:0 za goste, a strijelac je Vilson na asistenciju Brazilca. Žoelton je u kontri loptu dodao u šesnaesterac gdje je istrčao Vilson, koji izlazi pred golmana i postiže gol.

Samo minut kasnije Žoelton golom postavlja konačan rezultat 2:0 ovog meča. Brazilac je prošao po desnoj strani, ušao u kazneni prostor, a lopta koju je šutirao na putu do gola je zakačila Gerija Kejhila i tako prevarila golmana Gauitu. 

U narednom kolu Njukasl gostuje kod Aston Vile, dok će se Kristal Palas sastati sa Vest Bromvič Albionom.

Standings provided by SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime