Foto: Printscreen

Bez mnogo muke i neizvjesnosti Everton je sa 4:1 na svom “Gudisonu” savladao Brajton i Hou Albion u okviru četvrtog kola Premijer lige. Everton će prenoćiti na vrhu tabele, dok svoje utakmice ne odigraju Lester i Liverpul.

Na samom početku, već u drugoj minuti Dominik Kalvert-Luin je primio nisku loptu na ivici šestnaesterca i uputio dobar udarac u donji ugao, ali Metju Rajan je refleksnom odbranom spriječio njegov pokušaj. Nije se dugo čekalo da napadač domaći postigne pogodak. Igrao se 16. minut, a ovaj put je Kalvert-Luin pratio sjajan centaršut i savršeno glavom pogodio pored desne stative.

U 41. minutu na centaršut gostujuće ekipe katastrofalno reaguje Džordan Pikford i spušta loptu u noge Nilu Mopaju, a on takve poklone ne odbija, gosti su poravnali rezultat. Šest minuta je rezultat bio izjednačen, a u 47. minutu Hames Rodrigez je odlično centrirao, a Džeri Mina skočio visoko na ivici peterca. Iz blizine je glavom postigao za 2:1 i prednost “Karamela” sa kojom su otišli na odmor.

Igrao se 52. minut utakmice, Rodrigez je primio sjajan pas koji ga je ostavio u situaciju jedan na jedan sa Rajanom. Mirno je poslao loptu u mrežu pored golmana za prednost od 3:1 za Everton. Abdulaje Dukure je u 70. minutu lijepo odigrao pas u šesnaest metara, a loptu je primio sjajni Rodrigez i mirno je poslao za prednost domaćina od 4:1. Do kraja je Ives Bisuma u 92. minutu prošao kroz odbranu domaćina, a zatim preciznim šutem donio drugi gol za Brajton, to je bilo dovoljno za konačan rezultat od 4:2 za Everton.

Everton u idućem kolu na “Gudisonu” dočekuje ekipu Liverpula u derbiju “Mersisajda“. Svakako da derbi nikada nije privlačio više pažnje jer ekipa Karla Anćelotija igra sjajno. Brajton i Hou Albion će u gostima kod Fulama tražiti nove bodove protiv domaćina koji je očajno počeo prvenstvo.

Tablice omogućuje SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime