Foto: ABA liga/SC Derbi

Košarkaši SC Derbija su slavili na domaćem parketu protiv Cibone sa 93:87 u okviru petog kola ABA lige. Najbolji igrač domaćih je bio Kajl Vinales, koji je postigao čak 32 poena, dok se u ekipi Cibone istakao Mateo Drežnjak sa 26 poena. 

Cibona je bolje otvorila meč trojkom Matea Drežnjaka i imali su oni prednost u uvodnih pet minuta utakmice, da bi poslije toga uslijedila nešto bolja igra domaćeg tima predvođenog Kajlom Vinalesom koji je blistao tokom cijelog meča. 

Pred kraj prve četvrtine su domaći košarkaši imali +5, a onda je na par sekudni do kraja Kenan Kamenjaš postigao dva poena, pa se na pauzi otišlo rezultatom 33:26. 

Druga četvrtina je bila dosta mirnija od prve, igralo se na skoro duplo manje poena u odnosu na prvi kvartal. Došli su domaći i do +11 u jednom trenutku, dok se na poluvrijeme otišlo sa 47:37 u korist domaće ekipe. 

Nakon poluvremena se totalno raspala igra Cibone, dok su domaći zaigrali furiozno, te do kraja imali prednost od čak 15 poena (72:57), dok je ta prednost u jednom momentu bila i +19.

Igrali su domaći dobro u posljednju četvrtinu, ali su onda gosti u posljednja tri minuta odigrali nešto agresivnije, te su do kraja uspjeli da ublaže poraz. Meč je završen pobjedom SC Derbija rezultatom 93:87.

Naredno kolo SC Derbi gostuje Krki, dok će Cibona nakon poraza u zadnja dva meča pobjedu tražiti na gostovanju u Splitu. 

Tablice omogućuje SofaScore LiveScore

OSTAVITI ODGOVOR

Molimo unesite komentar!
Ovdje unesite svoje ime