Lekler najbrži na drugom treningu

Na drugom slobodnom treningu pred trku za Veliku nagradu SAD-a u Austinu najbrži je bio vozač Ferarija Čarls Lekler.

Ako je vjerovati slobodnim treninzima Ferari u dobroj formi očekuje trkački vikend u SAD-u. Na prvom je najbrži bio Karlos Sajnc, a na drugom je kormilo preuzeo Čarls Lekler. Monegašanin je postavio najbrže vrijeme od 1:36.810.

Prijatno je iznenadio Valteri Botas u Alfa Romeu, koji je zauzeo drugo mjesto sa 715 hiljaditih djelova sekunde zaostatka za vedetom Ferarija. Na trećem mjestu našao se Daniel Rikardo u Meklarenu sa 817 hiljaditih dijelova sekunde zaostatka. I samo su njih dvojica bili u istoj sekundi sa Leklerom, pošto je njegov timski kolega Sajnc, koji je zauzeo četvrto mjesto bio sekund i 422 hiljadita dijela sekunde sporiji od Leklera.

Prijatno je iznenadio vozač Hasa Mik Šumaher, koji je zauzeo peto mjesto i predvodio grupu vozača koja je imala više od dvije sekunde zaostatka za vodećim. Iza njega su se našli Lando Noris, novopečeni dvostruki svjetski šampion Maks Verstapen, Luis Hamilton, Pjer Gasli i prvih 10 zaokružio je Serhio Perez.

Postavi odgovor