Studentski centar pobjedom protiv Slobode nastavio impresivan niz (VIDEO)

U okviru 12. kola Druge ABA lige Studentski centar je savladao ekipu Slobode rezultatom 94:86 (18:24, 30:21, 23:18, 23:23) i tako su nastavili seriju dobrih partija što ih i održava na samom vrhu tabele.

Utakmicu su mnogo bolje počeli košarkaši Slobode koji su napravili uvodnu prednost 11:1 polaganjem Aleksandra Ilkića. Precizan izvan linije, 6,75m bio je i Aleksa Ilić (18:10). Održavali su dobro prednost, da bi na kraju prve četvrtine u posljednjoj sekundi trojku ubacio Igor Drobnjak (24:18).

U drugom kvartalu košarkaši Studenstkog centra su zaigrali mnogo bolje i preko najraspoloženijeg igrača Flečera Mekgija prvo se vratili, da bi i na kraju ovog perioda i preuzeli prednost (48:45). 


Nastavio je Mekgi tamo gdje je stao u prvom poluvremenu i odmah na početku treće četvrtine je pogodio trojku. Andrija Slavković je zatim bio precizan za dva i Studentski centar se odvojio na +8 (53:45). Maksimalnih +17 bilo je nakon trojke Milića Starovlaha. U posljednju četvrtinu ušlo se pri rezultatu 71:63.

Savršeno su kontrolisali košarkaši iz Podgorice utakmicu i u četvrtoj četvrtini. Na početku su uspjeli košarkaši Slobode da se približe na -2 poenima Dimitrija Nikolića, ali nisu uspjeli da preokrenu utakmicu u svoju korist. Sjajni Mekgi je nastavio da zatrpava koš Slobode i tako je svojoj ekipi olakšao put do 11. pobjede ove sezone u Drugoj ABA ligi.


Najefikasniji na meču bio je Mekgi sa 32 poena, dok je Slavković dodao 17 poena.

Narednu utakmicu Sloboda igra protiv Rabotničkog, dok se Studentski centar sastaje sa ekipom Podgorice.

Standings provided by SofaScore LiveScore

Postavi odgovor