Foto: Printscreen

Jan Blašovic po prvi put je postao šampion u poluteškoj kategoriji i nanio prvi poraz Dominiku Rejesu. Izrael Adesanja novi stari šampion srednje kategorije u UFC rosteru.

Najveće iznenađenje UFC 253 događaja bila je pobjeda “Čeličnog Orla” iz Poljske nad iskusnijim, Rejesom. Blašovic je u izjavama prije meča bio skroman i govorio da mu je drago što je konačno dobio priliku da se bori za pojas. Poslije početnog ispitivanja snaga, već u drugoj rundi kroz silovite nalete Jan je zadao nekoliko teških udaraca američkom borcu. Poslije četiri minute i 42 sekunde sudija je ozvaničio pobjedu poljskog borca, tehničkim nokautom.

“Spremao sam se za Dominika. Klima u Abu Dabiju je sjajna za mene i sve je išlo u moju korist. Sada mi je samo jedna stvar na umu, gdje si Džon Džons? Ja sam ovdje, samo zovi na borbu”izjavio je Jan Blašovic poslije pobjede.

Druga borba po važnosti svakako je bila Adesanjova uspješna odbrana titule protiv prvog izazivača, Pola Koste. Prva runda je protekla u Izraelovoj potjeri da smiri hitrog Kostu. Početkom druge runde prilikom jačeg udarca u glavu brazilski borac se našao na parteru. U djeliću sekunde šampion se obrušio na njega i uputio pet efektivnih i jakih udaraca, koji su bili dovoljni za pobjedu tehničkim nokautom. Adesanjo ostaje na 20 pobjeda bez poraza. 

Govorio sam vam da ću pobjediti, ali vi kao da ste zaboravili. Mislili ste da sam dosadan, ali sam vas podsjetio zašto sam najbolji u ovome što radim. Anderson Silva ostavio je nasljeđe, ali moje će biti veće” – samouvjeren je bio Izrael Adesanja.

U ostalim borbama večeri Brendon Rojal je pobjedio Kai Fransa koji je predao meč u drugoj rundi. Hakim Davodu je sudijskom odlukom bio bolji od Zubaira Tugova. U ženskoj kategoriji Ketlin Vijera je takođe sudijskim bodovima pobjedila Sijeru Eubanks

OSTAVITI ODGOVOR

Molimo unesite komentar!
Ovdje unesite svoje ime