foto: REUTERS/Anton Vaganov

Lider u svjetskom šampionatu Maks Verstapen startovaće prvi na “Velikoj nagradi Štajerske” pošto je iza sebe u kvalifikacijama ostavio vozače Mercedesa Valterija Botasa i Luisa Hamiltona.

Maks Verstapen je u najbitnijem dijelu kvalifikacija odvezao najbrži krug za 1:03.841 i tako stigao do treće pol pozicije u sezoni. Valteri Botas je ostao skoro dvije desetinke iza njega, međutim Finac je dobio kaznu od tri mjesta zbog okretanja u pit lejnu tokom slobodnih treninga, pa će sutra započeti trku sa petog mjesta.

Aktuelni svjetski šampion Luis Hamilton je u kvalifikacijama bio treći, ali zbog kazne timskog kolege će startovati drugi, dok će u drugom startnom redu biti Lando Noris i Serđio Perez. Botasu će društvo u trećem startnom redu praviti Pjer Gasli, a svoje mjesto u najboljih deset su pronašli još Šarl Lekler, Juki Cunoda, Fernando Alonso i Lens Strol.

Izvanredan je bio Džordž Rasel koji je za samo osam hiljaditinki ostao bez plasmana u Q3, pa će sutra krenuti sa 11. mjesta, dok je još jednom razočarao Danijel Rikardo koji je završio tek trinaesti.

Prva od dvije trke koje će biti vožene u Austriji ove godine je na rasporedu sutra od 15h.

OSTAVITI ODGOVOR

Molimo unesite komentar!
Ovdje unesite svoje ime