Marej poražen u finalu Biele

Britanski teniser, Endi Marej, poražen je juče u finalu čelendžera u italijanskoj Bieli od strane 33-godišnjeg Ukrajinca Ilije Marčenka.

Marčenku su za pobjedu bila dovoljna dva seta, te je u meču koji je obilježilo njegovih devet as servisa pobijedio sa 6:2 u prvom setu, kao i 6:4 u drugoodigranom.

Trostruki osvajač Gren slem turnira, te nekadašnji svjetski broj jedan nije se najbolje snašao u finalu čelendžera koji se odigrava sjeveru Italije, te je izgubivši od 87 mjesta nižeplasiranog Ukrajinca samo dodao so na ranu neučestvovanja na ovogodišnjem Australian Openu.

Ilija Marčenko je tako u Bieli po peti put podigao pehar namijenjen pobjedniku nekom od čelendžera, dok je u finalima iste kategorije teniskih turnira do sada šest puta gubio.

 

Postavi odgovor