Košarkaš Budućnosti, Kenan Kamenjaš je istakao da je najbitnije što su stigli do pobjede u prvom meču četvrtfinala ABA lige.
On je prokomentarisao to da je Luka Božić postigao samo dva poena na meču.
“Najbitnije je da smo pobijedili i poveli 1:0 u seriji. Sporije smo otvorili utakmicu, tražili smo se u napadu, nismo znali kako da dođemo do poena. Znali smo da Zadar igra košarku sa dosta tranzicije. Ali, kad smo mi u trećoj četvrtini počeli da trčimo, onda je razlika otišla na 20 poena” – kazao je Kamenjaš i nastavio:
“Božić je MVP i jedan od najboljih igrača u ligi. Sigurno da smo se posebno pripremali za njega. Uz njega su i ostali igrači bolji. Ali, Zadar ima i Ramljaka, Drežnjaka, Lakića… sve su to dobri igrači. Slavković i Popović su odradili vrhunski posao, kao i Makundu. Svi smo se rotirali, pomagali jedan drugom i to je dovelo do ubjedljive pobjede”.
Druga utakmica je na rasporedu u petak, 19. aprila, od 19:00 u Zadru.
